"Мектепке жол" жобасы аясында Екібастұз ГРЭС-1 Екібастұз оқушыларына көмек көрсетті

Ауелбаева Альмира August 29, 2023

«Мектепке жол» акциясы аясында Екібастұз оқушыларына МАЭС-1 станциясының басшылығы және ұжымы атынан көмек көрсетілді. №9 және №11 орта мектеп оқушыларына қаланың ірі дүкендерінің бірінен кеңсе тауарларын, сөмкелер, киімдерді және тағы басқа да мектеп құралдарын сатып алу үшін 100 сертификат берілді.
Балалар мен олардың ата-аналарын алдағы оқу жылының басталуымен құттықтап, барлығына денсаулық, жаңа қызықты жаңалықтар және жаңа оқу жылында тек бестік бағаға оқуды тіледі.
Сонымен қатар ата-аналар мектеп жасындағы балаларға дәстүрлі түрде көңіл бөліп, қамқорлық көрсетіп жүрген МАЭС-1 басшылығына үлкен алғыстарын білдірді. Оқушыларға қажетті тауарларды сатып алуға арналған сертификаттар аз қамтылған және көпбалалы отбасылардың, сондай-ақ, ата-анасының қамқорлығынсыз қалған балаларға берілді.
Сонымен қатар, халықтың әлеуметтік осал топтарының өкілдеріне жататын станция қызметкерлеріне кеңсе тауарларын, киім-кешек пен аяқ киімді өздері сатып алу үшін материалдық көмек көрсетілді. Акция аясында Екібастұз қаласының 300 оқушысы қамтылды.