Мәшһүр Жүсіп Көпеевтің 165 жылдығына арналған мерекелік іс-шара.

Ауелбаева Альмира August 28, 2023

Ұлы ақын, тарихшы, этнографтың отаны – Баянауыл ауданында 100-ден астам киіз үйден этноауыл тұрғызылды, оның бірін «Екібастұз 1-МАЭС» компаниясы орнатты. Киіз үй қалашығы Ескелді шатқалында орналасты.

Халықтың сауық-сайрандары 2006 жылы салынған Мәшһүр Жүсіп Көпеев кесене кешенінде дұға оқудан кейін басталды. Мерекеге облыс әкімі Асаин Байханов, ҚР Парламенті Мәжілісінің төрағасы Ерлан Қошанов, зиялы қауым өкілдері және өңірдің ғылыми қоғамдастығы қатысты.

Мереке қонақтары үшін айтыс, ұлттық спорт түрлері бойынша «Көкпар», «Бәйге» жарыстары, қолөнершілердің мерекелік саудасы және т.б. ұйымдастырылды.

Мәшһүр Жүсіп Көпеев - 1858 жылы Баянауыл ауданында дүниеге келген ақын, жазушы, философ және қазақ фольклорының білгірі. 1870 жылы Бұхара медресесінде оқыды. 1875 жылдан бастап ауылда мұғалім болып жұмыс істеді және публицистикалық қызметпен белсенді айналысты. Араб және парсы тілдерін жақсы білу оған шығыс поэзиясын терең зерттеуге мүмкіндік берді. 1887-1890 жылдары Орта Азия халықтарының өмірімен және мәдениетімен танысу мақсатында Самарқанд, Бұхара, Ташкент, Түркістан қалаларында болды. Мәшһүр Жүсіп қазақтардың ауызша халық шығармашылығының көптеген үлгілерін жинады және жариялады.