2023 жылғы 09 тамызда «AMANAT» партиясының ЕМАЭС-1 бастауыш партия ұйымының есеп беру жиналысы өтті, онда БПҰ төрағасы С.Б. Серьянов өткен жыл мен ағымдағы жылдың жартыжылдығындағы белсенділігіміз туралы есеп берді. Маңызды жетістіктер мен болашақ жоспарлар айтылды.

 

Екібастұз қалалық мәслихатының төрағасы, «AMANAT» партиясынан қалалық мәслихат депутаты Н.К.Макраев өз кезегінде сайлауалды бағдарламаның Жол картасына сәйкес атқарылған жұмыстар, ЕЖЭО, жылу желілерінің ағымдағы жағдайы және ТҮКШ саласындағы басқа да бағыттар туралы айтып берді. Н.К.Макраевтың баяндамасынан кейін қатысушылар өздерін толғандырған сұрақтарын қою мүмкіндігіне ие болды.

 

Шара соңында станция қызметкерлеріне партия билеті табыстау салтанаты орын алды. Бұл алдағы уақытта жаңа жетістіктерге бірлесе отырып қол жеткізетініміздің кепілі!