"Тәуелсіз елдің энергиясы"патриоттық квест-ойыны

October 23, 2025

23 қазан күні, Болат Нұржанов атындағы Екібастұз 1-МАЭС станциясында Республика күніне арналған салтанатты іс-шара өтті. Мереке аясында «Тәуелсіз елдің энергиясы» атты патриоттық квест-ойыны ұйымдастырылды.

Ойынға кәсіпорынның түрлі бөлімшелерінен командалар қатысты. Қатысушылар еліміздің тарихы, мәдениеті, географиясы мен мемлекеттік рәміздеріне арналған тақырыптық аялдамалардан өтіп, өз білімдерін, бірліктерін және шығармашылық қабілеттерін көрсетті. Әр команда тәуелсіз елдің энергиясы бірліктен, білімнен және Отанға деген шынайы сүйіспеншіліктен тарайтынын дәлелдеді.

Іс-шара соңында барлық қатысушыларға естелік сыйлықтар табысталып, ізгі тілектер айтылды.
Бұл мереке жаңа жетістіктерге шабыт беріп, баршаны біріктіріп, еркін де тәуелсіз Қазақстанымызға деген мақтаныш сезімін ұялатады.