ЖАҢАЛЫҚТАР

Төтенше жағдай әрекет ету кезеңінде коронавирустық инфекцияның таралуына жол бермеу үшін барлық шаралар қолданылуда.

Іс-шаралар шеңберінде станцияда біршама шаралар кешені жүзеге асырылып жатыр, оның ішінде:

- өндірістік және санитарлық-тұрмыстық тұрғын жайларды өңдеу;

- қызметкерлерді профилактикалық тексеру және жұмысқа келген кезде дене қызуларын өлшеу кестесі жасалды;

- медициналық маскалар, дезинфекциялау құралдары сатып алынып, ақпараттық стендтер мен электрондық поштада қызметкерлерді ақпараттандыру үшін жұқтыру белгілері мен аурудың алдын алу бойынша қажетті шаралар туралы жадынамалары орналастырылған.

70 қызметкердің жұмыс режимі қашықтықтан жұмыс істеуге өзгертіліп, 126 қызметкер еңбек демалысына шықты. Басқарушылық және инженерлік-техникалық қызметкерлер құрамының жұмыс кестесі әзірленіп бекітілді, өзге қалаларда оқыту іссапарлары доғарылды.

Жұмысқа қабылдау тоқтатылып, оқу орындарының студенттерін өндірістік практикаға қабылдау тоқтатылды.    

Бұл кезеңде дүрлікпеге жол бермей, дәрігерлердің барлық ұсыныстарын қатаң орындау қажет.

2354

Халықаралық әйелдер күні қарсаңында «Екібастұз 1-МАЭС» ЖШС бас директорының м.а. Жаркенов Н.С. кәсіпорынның әйелдер ұжымын станцияның барлық ерлер ұжымының атынан 8 наурыз мерекесімен құттықтады.

Компанияның әр қызметкеріне мерекеге орай ақшалай сыйақы беріліп, гүлдер мен конфет жиынтығы берілді .

2020 жылғы 24 қаңтар күні қала әкімі Е.Б. Иманзаиповтың «Болат Нұржанов атындағы Екібастұз 1-МАЭС» ЖШС ұжымымен есептік кездесуі өтті.

Кездесуге станцияның жалпы мәселелер жөніндегі директордың міндетін атқарушы Данияр Болат, қала әкімі Иманзаипов Ержан Бейбітұлы, қала әкімінің орынбасары Ахметов Б.К. , қала әкімі аппараты басшысының міндетін атқарушы Тұрсұқпаев А.К., қаланың атқарушы органдары мен коммуналдық қызметтерінің басшылары қатысты.

Кездесу аясында станция ұжымы қала әкімі Е.Б. Иманзаиповтың атқарылған жұмыстар мен аймақтың 2020 жылға арналған даму перспективалары туралы есебін тыңдап, Екібастұз қаласы полиция басқармасының бірінші орынбасары Е.Ж. Букаевтың есебімен танысты.

Қала әкімі станция қызметкерлерінің сұрақтарына жауап беріп, 2020 жылдың 6 ақпаны күні «Өнер» ҚМО-нда өтетін қорытынды есеп беру кездесуіне баратын «Болат Нұржанов атындағы Екібастұз 1-МАЭС» ЖШС-нің өкілдері сайланды.

19 ақпанда Қазақстандағы ең ірі жылу электр станциясы «Болат Нұржанов атындағы Екібастұз 1-МАЭС» ЖШС-де 7 энергоблоктың жұмысы үшін рекордтық жүктеме - 3481 МВт тіркелді.   Соңғы рет мұндай көрсеткіш 1986 жылдың ақпанында тіркелді. Онда максималды белгі 3095 МВт-қа жетті, бірақ 8 энергоблоктың жұмысы кезінде.

Болат Нұржанов атындағы Екібастұз 1-МАЭС Қазақстан энергетикасының флагманы болып табылады. Өткен жылы электр станциясы 18,3 млрд кВт/с өндірді. Бұл ел бойынша электр энергиясын өндірудің 17,3% жалпы үлесін құрады.  

Станция жеті энергоблоктың жұмысы кезінде күзгі-қысқы кезеңге толық дайындықты көрсетті, энергоблоктардың орташа блоктық жүктемесі 455 мегаватты құрады.

Өз тұтынушыларын үздіксіз электрмен жабдықтаумен қамтамасыз ету үшін станцияда іс-шаралардың толық кешені жүргізілді. Атап айтқанда, 2019 жылы мұнда 3 энергоблокқа ағымдық және кеңейтілген жөндеу және тағы екеуіне (№3 және №5) күрделі жөндеу жүргізілді. Қазір соңғы, сегізінші энергоблокты қалпына келтіру бойынша жұмыстар жүргізілуде, ол да қалғандары секілді 99,6 пайыз күлді тұту деңгейімен жаңа буындағы тиімділігі жоғары электр сүзгілерімен жабдықталатын болады.  

"Біз басты міндетті орындау үшін – Қазақстанның экономикалық дамуы және әл-ауқаты үшін жұмыс істейміз. Осыған байланысты біз «Болат Нұржанов атындағы Екібастұз 1-МАЭС» ЖШС-ін Қазақстанда ғана емес, ТМД-да да қауіпсіз, экологиялық таза, тиімді және үлгілі электр станциясы ету үшін қолымыздан келгеннің барлығын жасаймыз", - деп атап өтті электр станциясының бас директоры Мәди Әбішев.

Болат Нұржанов атындағы Екібастұз 1-МАЭС 3500MВт – ағымдық иелік қуатпен қатты отында жұмыс істеуші Қазақстандағы ең ірі станция және әлемдегі ең ірі көмір электр станцияларының бірі болып табылады.

 

«Болат Нұржанов атындағы Екібастұз 1-МАЭС» ЖШС 2019 жылды сағатына 18,301457 кВт электр энергиясын өндірумен аяқтады.

Жалпы алғанда, Қазақстан нарығында 1-МАЭС-мен өндірілген электр энергиясының үлесі 14,2%-ға артты.

Бұл ретте, орташа блоктық жүктемесі 440 мВт құрайтын жеті энергоблок жұмыс істеп тұрып, станция 2089 МВт жүктемесімен күзгі-қысқы кезеңге толық дайындығын көрсетті.

Жалпы, барлық сегіз энергоблок жұмыс істеп тұрған кезде, электр станцияның белгіленген қуаты 4000 МВт құрайды.

Жыл бойы «Болат Нұржанов атындағы Екібастұз 1-МАЭС» ЖШС өз тұтынушыларын электрмен үздіксіз қамтамасыз ету үшін бірқатар іс-шаралар кешенін орындады.

Жыл басынан бастап станцияда № 7, 8 энергоблоктарға кеңейтілген жөндеу жұмыстары жүргізілді.

№ 4, 5 энергоблоктарға ағымдағы жөндеу жүргізіліп, № 3 және № 5 энергоблоктар күрделі жөндеуден өтті.

Қазіргі уақытта, есеп бойынша сегізінші соңғы, № 1 энергоблокты қалпына келтіру жұмыстары жүргізілуде.

Станцияның басқа энергоблоктары сияқты, аталмыш энергоблок 99,6 % күл ұстау дәрежесі бар тиімділігі жоғары жаңа буындағы электр сүзгілерімен жабдықталатын болады.

Жабдықтағы энергия үнемдеушілік пен энергия тиімділігін арттыру үшін үлкен жұмыс атқарылды.

2019 жылғы 1 наурыздан бастап қызметкерлерді оқытып, біліктілігін арттыру үшін оқу сыныбы мен жаттықтыру орталығы құрылды.

«Болат Нұржанов атындағы Екібастұз 1-МАЭС» ЖШС Қазақстан Республикасы энергетикасының флагманы болып табылады.

Электр энергиясы нарығында кәсіпорын сенімді жеткізуші ретінде белгілі.

Кәсіпорынның жұмыс қуатын ұлғайту Қазақстан Республикасы үшін қажет, өйткені бұл елдегі энергия тапшылығының туындау қаупін төмендетеді және ҚР Ұлттық экономикасының өсуіне ықпал етеді.